Proposta de actividades: Os Bolechas e a Educación Social

Proposta de actividades: Os Bolechas e a Educación Social

Encontro formativo: SEAF 2023

Encontro formativo: SEAF 2023

Acordos da Asemblea do Ceesg 2023

Acordos da Asemblea do Ceesg 2023

Experiencias de Educación Social e Saúde Mental

Experiencias de Educación Social e Saúde Mental

Novas do CEESG

ACTUALIDADE

Novas ofertas de emprego

Estas son as ofertas de emprego máis recentes publicadas na web do Ceesg:

  • Educador/a social
  • Educador/a social
  • Operador/a teleasistencia
  • Educador/a social

Se estás á procura desemprego, recorda visitar regularmente a nosa web para estar ao tanto de todas as novidades.

Novas ofertas de emprego
Presentación do libro ‘A Educación Social’ dos Bolechas en Compostela

O vindeiro mércores 29 de marzo teremos unha nova presentación do libro ‘A Educación Social’ de Os Bolechas.
Volvemos a Compostela, onde nos acollerá a Facultade de Ciencias da Educación (Campus Vida).

O libro-guía ‘A Educación Social’ de Os Bolechas é unha ferramenta que visibiliza a profesión, que a explica, que fala da súa importancia e do seu impacto social nunha linguaxe que as nenas e nenos poden comprender.

Non perdas a oportunidade de facerte cun dos exemplares desta edición limitada dos Bolechas que podes reservar na páxina web do Ceesg.

Mércores 29 de marzo ás 10:30 na aula 6-7 (módulo A).

Presentación do libro ‘A Educación Social’ dos Bolechas en Compostela
Horario de atención do Ceesg do 28 de marzo ao 5 de abril

Informamos de que esta semana (do 27 ao 31 de marzo) o horario de atención polas tardes será o luns e o mércores de 16:00 a 18:00 h.
O horario de mañá permanecerá como habitualmente (de 9:00 a 14:00 h.)

Os días 3, 4 e 5 e abril non haberá atención ao público presencial nin telefónica. Podes contactar por correo-e e atenderémoste o antes posible.


Horario de atención do Ceesg do 28 de marzo ao 5 de abril
Este sábado celebraremos a Asemblea Xeral do Ceesg

Cada ano, a Asemblea Xeral do Ceesg, formada por todas as persoas colexiadas, reúnese para decidir sobre a actividade do Colexio.

O vindeiro sábado en Santiago de Compostela, terá lugar a Asemblea 2023.

Todas as persoas colexiadas na data de convocatoria (10/03/23) están convocadas a participar. Tamén poden participar as Amigas e amigos do Ceesg (con voz e sen voto).

A documentación relacionada cos distintos puntos da orde do día está colgada na web do Ceesg, sección Transparencia.

Para facilitar a asitencia, haberá un servizo de conciliación de 9:30 a 14:30 h., para o que será necesaria reserva previa (ata o 24/03/23 ás 12:00), por teléfono ou enviándonos unha mensaxe indicando o nome da persoa participante na asemblea e o número de crianzas que farán uso do servizo.

Ao finalizar a asemblea haberá un servizo de cátering. Agradecemos confirmación de asistencia ao mesmo para adaptar a organización ao número de asistentes.

Enlace á documentación da Asemblea 2023.
(necesario iniciar sesión para ver a documentación)

  • Data: sábado 25 de marzo de 2023.
  • Lugar: Escola Galega de Administración Pública (Rúa Madrid, 2) Santiago de Compostela (ver localización)
  • Inicio: 11:30 (primeira convocatoria), 12:00 (segunda convocatoria)
  • Fin: 14:30 aproximadamente.
Este sábado celebraremos a Asemblea Xeral do Ceesg
Formación: Acompañamento socioeducativo e Educación Social

No marco da Asemblea Xeral do Ceesg, que se celebrará o vindeiro 25 de marzo en Compostela, celebraremos unha formación que afondará no concepto do acompañamento socioeducativo.
O papel en clave educativa da/o profesional da Educación Social no traballo con persoas que atravesan diferentes procesos vitais e de cambio, é fundamental para que poidan construír por si mesmas/os as respostas ás súas vulnerabilidades.
Este curso é gratuíto e está dirixido a aquelas colexiadas, colexiados e estudantes amigas/os do Ceesg que vaian asistir á Asemblea Xeral posterior.
Para a asistencia é necesaria a inscrición previa.

Curso: Acompañamento socioeducativo e Educación Social.
Data: 25 de marzo de 2023
Horario: de 9:30 a 11:30 h.
Lugar: Santiago de Compostela. Escola Galega de Administración Pública (EGAP) - Aula 5
Cota: gratuíta.
Destinatarias/os: Colexiadas/os e/ou estudantes Amigas/os do Ceesg que asistan á Asemblea Xeral do Ceesg, que se celebrará a continuación.
Docentes: Sonia González Rodríguez, Deibe Fernández Simo.
Prazo de inscrición: ata o 20 de marzo (incluído).

(prazo de inscrición pechado)

Formación: Acompañamento socioeducativo e Educación Social
Asemblea Ceesg 2023

A Asemblea Xeral é o órgano supremo de toma de decisións do colexio, formado por todas as persoas colexiadas. Cada ano reúnese como mínimo unha vez para decidir sobre a actividade do colexio.

Este ano, a Asemblea Xeral Ordinaria terá lugar o 25 de marzo e celebrarase de xeito presencial en Santiago de Compostela.

Todas as persoas que estean colexiadas na data de convocatoria (10/03/23) están convocadas a participar. Tamén poden participar as Amigas e amigos do Ceesg (con voz e sen voto).

A documentación relacionada cos distintos puntos da orde do día irase colgando na web do Ceesg, sección Transparencia.

Enlace á documentación da Asemblea 2023.
(necesario iniciar sesión para ver a documentación)

  • Data: sábado 25 de marzo de 2023.
  • Lugar: Escola Galega de Administración Pública (Rúa Madrid, 2) Santiago de Compostela (ver localización)
  • Inicio: 11:30 (primeira convocatoria), 12:00 (segunda convocatoria)
  • Fin: 14:30 aproximadamente.

Para optimizar este encontro, na mesma data e lugar organizaremos unha acción formativa previa para a que será necesaria inscrición e incluirá a presentación do libro ‘A Educación Social’ de Os Bolechas. Proximamente informaremos dos detalles a través das canles habituais.

Asemblea Ceesg 2023
Presentación do libro ‘A Educación Social’ dos Bolechas na Coruña

Os vindeiros 23 e 24 de marzo teremos unha nova presentación do libro ‘A Educación Social’ de Os Bolechas.
Tócalle agora á cidade da Coruña, na Facultade de Educación.

O libro-guía ‘A Educación Social’ de Os Bolechas é unha ferramenta que visibiliza a profesión, que a explica, que fala da súa importancia e do seu impacto social nunha linguaxe que as nenas e nenos poden comprender.

Non perdas a oportunidade de facerte cun dos exemplares desta edición limitada dos Bolechas que podes reservar na páxina web do Ceesg.

Xoves 23 de marzo: ás 9:00 na aula 1-6.

Venres 24 de marzo ás 9:00 na aula 2-6.

Presentación do libro ‘A Educación Social’ dos Bolechas na Coruña
8M, Día das Mulleres

Hoxe, Día Internacional da Muller, debemos lembrar que a Educación Social é unha profesión amplamente feminizada e infravalorada, como outras que consisten en coidar e acompañar a persoas en situación de vulnerabilidade e exclusión.
É necesario incidir nas dificultades laborais das Educadoras Sociais no exercicio da súa profesión e, unha vez máis, denunciar as malas condicións e a externalización dos servizos sociais básicos en detrimento dun servizo profesional público, gratuíto e universal.
A Educación Social debe ser FEMINISTA para seguir avanzando en igualdade, respecto, solidariedade e empoderamento.

Convidámoste a visibilizar a Educación Social feminista nas redes: #edusoESfeminismo.


Imaxe cedida por Freepik

8M, Día das Mulleres
Investigación sobre a diversidade cultural como campo da Educación Social

Compartimos un cuestionario que forma parte dun proxecto de Tese Doutoral en curso que estuda a diversidade cultural como campo de profesionalización na educación social.
Coa recollida destes datos preténdese coñecer a percepción e interese sobre a diversidade cultural como ámbito profesional do/a educador/a social, a medida en que se presenta no exercicio da profesión e o grao de adquisición de competencias interculturais, así como as aprendizaxes sobre atención socioeducativa á diversidade cultural que se ten acadado na formación inicial e continua e as melloras formativas que se poderían introducir nesta liña. Animamos a todo o colectivo colexial a cubrir este cuestionario, que contribuirá ao enriquecemento dunha investigación que ten como marco a profesión e de Educación Social.

Ir ao cuestionario

Investigación sobre a diversidade cultural como campo da Educación Social
Propostas para unhas políticas públicas de benestar

Desde o Ceesg queremos contribuír á construción dunhas políticas públicas máis xustas e eficaces, que nos permitan acadar unha sociedade plenamente inclusiva e máis igualitaria.

Con este obxectivo, e tendo en conta que este ano se celebrarán eleccións municipais, achegamos aos principais partidos políticos que se presentan a ditas eleccións unha serie de propostas que consideramos necesarias no sector público e que poden impulsarse desde as corporacións locais. O exercicio da profesión Educación Social outórganos unha posición dende a que podemos coñecer de primeira man as vulnerabilidades das persoas e as eivas dos sistemas e recursos de atención, polo que consideramos que as propostas achegadas teñen un valor que debe ser tido en consideración.

Convidamos ás persoas colexiadas que teñades esa posibilidade a que compartades este documento cos partidos políticos das vosas localidades.

Propostas para unhas políticas públicas de benestar
Presentación do libro ‘A Educación Social’ dos Bolechas en Ourense

O vindeiro 6 de marzo teremos unha nova presentación do libro ‘A Educación Social’ de Os Bolechas.
Desta volta será en Ourense, na Facultade de Educación e Traballo Social, na Aula Emilia Pardo Bazán, ás 18:00 h.

O libro-guía ‘A Educación Social’ de Os Bolechas é unha ferramenta que visibiliza a profesión, que a explica, que fala da súa importancia e do seu impacto social nunha linguaxe que as nenas e nenos poden comprender.

Non perdas a oportunidade de facerte cun dos exemplares desta edición limitada dos Bolechas que podes reservar na páxina web do Ceesg.

Presentación do libro ‘A Educación Social’ dos Bolechas en Ourense
Atención ás Vítimas de Abusos Sexuais no ámbito da Igrexa Católica

O Consejo General de Colegios de Educadoras y Educadores Sociales (CGCEES) está representado, a través da súa Presidenta Lourdes Menacho Vega, na Comisión Asesora encargada de elaborar un informe sobre os abusos sexuais cometidos no ámbito da Igrexa católica, que preside o Defensor del Pueblo.
Trátase dunha Comisión formada por persoas externas con experiencia en atención a vítimas, con coñecementos no ámbito xurídico, dos dereitos humanos, en victimoloxía e na docencia.
Segundo o Defensor del Pueblo, o obxectivo principal da Comisión Asesora é ‘determinar feitos e responsabilidades, propoñer procedementos de reparación ás vítimas e impulsar medidas de prevención e protocolos de actuación para evitar que isto poida volver suceder’.

A Unidade de Atención ás Vítimas (UAV), creada en xullo de 2022, rexistra testemuños que as vítimas poden facer chegar a través de:

  • a sección específica habilitada na web da institución www.defensordelpueblo.es.
  • nunha entrevista presencial concertando previamente o encontro (900111025)
  • por teléfono 900 111 025 (gratuíto)
  • a través de correo electrónico (atencionvictimas@defensordelpueblo.es)
  • ou por correo postal (Defensor del Pueblo. Calle Zurbano, 42. 28010).

Atención ás Vítimas de Abusos Sexuais no ámbito da Igrexa Católica
Formación: Conéctate con cabeza. Prevención da violencia de xénero dixital

Vivimos nunha sociedade hiperdixitalizada na que o uso de internet e das novas tecnoloxías xa forman parte do noso día a día. Por iso, igual que sucede con outros aspectos da vida, a sexualidade pasou a estar moi presente nas redes sociais, nas webs que visitamos e tamén nos nosos móbiles.
Desfrutar da nosa sexualidade a través de internet converteuse nun acto habitual. Tanto, que o acto de producir e compartir contidos sexuais ou eróticos a través de internet xa ten un nome: sexting. Unha práctica sexual que se desenvolve sobre todo a través do móbil e que se leva a cabo tanto por persoas mozas como adultas.
Con este curso queremos partillar contigo reflexións e ferramentas para que poidamos construír unha vivencia positiva da sexualidade empregando as novas tecnoloxías e ao mesmo tempo previr a violencia de xénero dixital.

  • Data: luns 13 de marzo de 10:30 a 14:30 h.
  • Modalidade: Presencial, na Casa Xohana Torres, Santiago de Compostela. Como chegar.
  • Persoas destinatarias: Colexiadas/os e amigas/os do Ceesg.
  • Inscrición: na web do Ceesg, apartado formación. Por orde de inscrición.
  • Cota matrícula: gratuíta.
  • Data límite de inscrición: 9/3/23.

Ver información detallada do curso.

IMPORTANTE: A non asistencia/participación en formacións de carácter gratuíto (sen xustificar debidamente) será penalizada de xeito que na seguinte convocatoria do mesmo curso só se admitirá a inscrición no caso de que sobren prazas, figurando nos últimos postos da lista de agarda.
Esta medida pretende facilitar o acceso ás colexiadas que teñan interese real na formación, optimizar a organización e evitar o desaproveitamento deste tipo de actividades formativas.

Ir ao formulario de inscricións

Formación: Conéctate con cabeza. Prevención da violencia de xénero dixital
Formación: Protección de datos persoais no desempeño profesional da Educación Social

As Educadoras e Educadores Sociais acompañan a moitísimos colectivos, especialmente os máis vulnerables. Nese labor de acompañamento as educadoras necesitan afondar en problemáticas complexas nas que se traballa con datos persoais das persoas e colectivos aos que se acompaña.

O tratamento da información e como garantir a súa custodia e bo uso son elementos fundamentais para que unha intervención educativa sexa exitosa e acorde co código deontolóxico das Educadoras e Educadores Sociais.
É esta razón que o Ceesg oferta este obradoiro en liña para que as colexiadas e colexiados poidan resolver as súas dúbidas con respecto a Lei Orgánica de Protección de Datos e como afecta ésta ao seu desempeño profesional.
¿Que é un dato de carácter persoal?, ¿Quen é o responsable do tratamento de datos?, lexitimación para o tratamento de datos, deber de segredo, supresión de datos, tratamento de datos e menores de idade, etc.
Neste obradoiro poderás resolver as túas dúbidas así como traballar con casos prácticos.
Impartido por persoal do servizo xurídico do Colexio.

Docente: Cecilia Barros Díaz (Avogada Ceesg)
Datas: Xoves 23 de marzo
Duración do curso: Obradoiro de 2h de 16:30 a 18:30h
Contidos: Módulo en protección de datos
Modalidade: En Liña
Inscrición: Na web do Cessg
Cota matrícula: Gratis
Data límite inscricións: 17/03/2023

Ir ao formulario de inscricións

Formación: Protección de datos persoais no desempeño profesional da Educación Social
Camisetas #EducaciónSocialFeminista - 8M

Achégase o 8 de marzo, Día Internacional das Mulleres, no que o movemento feminista se dará cita en concentracións e manifestacións en moitas vilas e cidades, nun berro necesario pola igualdade.
Animamos a participar nestes actos, e a vestir ese día a camiseta feminista do Ceesg. Recordamos que podes mercala aquí, e que se non podes pasar a recollela polo Ceesg, teremos opcións de recollida na Coruña, Lugo, Ourense e Vigo.
Para asegurarnos de poder ter unidades suficientes en cada localidade, aconsellamos reservar antes do 1 de marzo.

Viste a túa camiseta nas concentracións convocadas polo 8M, fai unha foto, súbea a redes sociais co hashtag #Educacionsocialfeminista e etiqueta ao Ceesg.

Máis información sobre as camisetas

Camisetas #EducaciónSocialFeminista - 8M
Próximo número da revista Res: retos da Educación Social

Xa se poden enviar propostas de artigos para a publicación na Revista RES, nº 36, monográfico ‘Los retos de la Educación Social en los próximos años’. Así nos presentan este próximo número:

Vivimos tempos nos que, como dicía Paulo Freire, a única certeza é a da incerteza. A guerra nas nosas latitudes, como escenario que criamos superado, colocounos ante a evidencia dunha crise ecolóxica e social global.

Queremos abordar como tema central do número 36, os retos da educación social, recoñecendo as múltiples achegas que a profesión fixo e pode realizar para analizar, comprender e transformar a realidade e as súas desigualdades.

Urxe ir reencontrando sentidos e abrindo novos debates tras o longo período de pandemia durante o que socialmente ocorreron cambios e emerxeron novas vulnerabilidades. En pleno desmantelamento do Estado do benestar, a Educación Social emerxe como un dereito e unha loita orientada a que se produza un cambio na calidade de vida das persoas, desde o respecto e a alteridade, desde o social e o comunitario e desde o político e o ético. O obxectivo é propiciar un espazo de reflexión e de encontro disciplinario que recolla o coñecemento, as aprendizaxes e a experiencia acumulada, poñendo en diálogo os aspectos teóricos e empíricos que acompañan o traballo práctico e profesional socioeducativo.

Poden enviarse artigos para este número antes do 15 de abril de 2023.
Recordamos que tamén se poden enviar propostas para a sección de miscelánea, na que se recollen outros temas interesantes aínda que fóra do tema central do número, así como ás seccións de actualidade e reseñas.

Ver presentación do vindeiro número na web da Revista RES
(nesta páxina tamén podedes atopar enlaces con orientacións sobre as colaboracións, autorización de artigos e criterios de publicación)

Próximo número da revista Res: retos da Educación Social
Resultado do 9º Concurso TFG.eduso

A semana pasada reuniuse o xurado do 9º Concurso TFG.eduso, edición na que se puideron presentar os traballos realizados durante o curso 2021/2022.

O Concurso TFG.eduso premia os traballos de fin de grao de Educación Social presentados en galego nas universidades galegas.

Nesta edición presentáronse un total de 9 traballos (7 para a modalidade Educación Social escondida e 2 para a modalidade Educación Social estendida), e os seleccionados polo xurado foron:

Na modalidade EDUCACIÓN SOCIAL ESTENDIDA:

  • Título: Abordar as actitudes e estereotipos negativos cara a vellez e a súa sexualidade: Unha responsabilidade desde a educación social.
  • Autora: Raquel Saavedra Fernández.
  • Titora: Isabel Piñeiro Aguín (Universidade da Coruña)

Na modalidade EDUCACIÓN SOCIAL ESCONDIDA:

  • Título: “A categoría é… diversidade”. Unha proposta educativa baseada na cultura ballroom.
  • Autor: Jonatan Santos Seoane.
  • Titora: Nuria Manzano Soto (UNED)

Mención especial do xurado:

  • Título: O acompañamento psicosocial no proceso de interrupción voluntaria do embarazo.
  • Autora: Ana Rodríguez Pérez.
  • Titora:Águeda Gómez Suárez (Universidade de Vigo - Campus de Ourense)

Parabéns ás gañadoras!!

Queremos agradecer a súa participación a todas e todos os participantes que presentaron os seus traballos ao concurso, así como ao xurado, que de xeito desinteresado fixeron posible levar a cabo esta iniciativa. Nesta convocatoria, o xurado estivo integrado por:

  • Xosé Manuel Cid Fernández, profesor da Universidade de Vigo
  • Silvana Longueira Mato, profesora da Universidade de Santiago.
  • Luisa Losada Puente, profesora da Universidade da Coruña.
  • Ana Fernández García, profesora da Universidade Nacional de Educación a Distancia (UNED)
  • Sonia González Rodríguez, presidenta do Ceesg.
Resultado do 9º Concurso TFG.eduso
Novos grupos de traballo no Ceesg

Os grupos de traballo son moi importantes para que dende o Ceesg poidamos abarcar actuacións en diferentes ámbitos de traballo.
Por iso, queremos abrir a proposta de creación de dous novos grupos de traballo, especializados en ámbitos que consideramos moi relevantes:

    Renda Básica e Educación Social.

    Educación Social en prisións.


Quen pode formar parte dun grupo de traballo?
Calquera persoa colexiada ou amiga do Ceesg. O único requisito é ter interese no eido do grupo e compromiso para participar.

Que fai un grupo de traballo?
Poden desenvolver distintas liñas de acción para a mellora da nosa profesión: elaboración de estudos e informes, organización de xornadas formativas e outras actividades de divulgación, creación de ferramentas de traballo, publicación de artigos… Así mesmo, poden ter un papel asesor aos órganos directivos e ao persoal do Ceesg sobre aspectos relacionado coa súa área de traballo.

Como funcionan os grupos de traballo?
Os obxectivos e actuacións de cada grupo de traballo defínense anualmente no plan que deben presentar á Xunta de Goberno para a súa aprobación e inclusión no Plan de traballo anual do Ceesg. Son as propias persoas do grupo quen establecen o xeito de estar en contacto.

Que facer para participar nos novos grupos?
Gustaríanos celebrar xuntanzas a mediados de febreiro, nas que xa poderían quedar constituídos os grupos de Prisións e de Renda Básica.
Se che interesa participar, ou queres informarte, escríbenos a servizos.colexiais@ceesg.gal ou chámanos ao 981552206. Estaremos en contacto coas persoas interesadas para marcar a data de xuntanza e poñernos en marcha.

En que outros grupos se pode participar?
Diverdade
, centrado en diversidade funcional, está nun momento no que precisa sumar apoios para poder continuar a súa actividade. Se tes inquedanzas sobre este ámbito, poñerémoste en contacto coas persoas do grupo para falar polo miúdo e que decidas se o grupo é para ti.
Outros grupos que existen son: Animación sociocultural e xestion cultural, Miolo (saúde), Escaravallendo/aBeira (infancia e familias), Fiadeiras (feminismos), e Geix (persoas maiores).

Novos grupos de traballo no Ceesg
Presentación do libro ‘A Educación Social’ dos Bolechas

O vindeiro mércores 18 de xaneiro ás 17:00 horas terá lugar a presentación do libro na sede do Ceesg en Santiago de Compostela.

O libro-guía ‘A Educación Social’ de Os Bolechas é unha ferramenta que visibiliza a profesión, que a explica, que fala da súa importancia e do seu impacto social nunha linguaxe que as nenas e nenos poden comprender.

Unha oportunidade de facerte cun dos exemplares desta edición limitada dos Bolechas que podes reservar na páxina web do Ceesg. (https://www.ceesg.gal/gl/ceesg/materiais-ceesg)

Presentación do libro ‘A Educación Social’ dos Bolechas
Novo número da revista RES. VIII Congreso de Educación Social

Está dispoñible o novo número da Revista RES, Revista de Educación Social: Número 35. Monográfico: VIII Congreso de Educación Social. Registro, memoria y palabra.

ENLACE AO NÚMERO 35 DA REVISTA RES

ENLACE Á EDICIÓN EN PDF

“Os Congresos supuxeron ao longo da historia da profesión escenarios de reflexión, diálogo e estudo da práctica da Educación Social. O VIII Congreso Estatal de Educación Social, organizado polo Consejo General de Colegios de Educadoras y Educadores Sociales (CGCEES) en colaboración con los colegios de los territorios de: Madrid, Canarias, Castela-A Mancha, Castela e León, País Vasco, Valencia, Murcia e Sevilla, baixo o lema ‘Dignidade e Dereitos’, vertebrouse en dous eixos principais: A dignidade das persoas, dos/as profesionais e o dereito á Educación Social e A acción socioeducativa como acción transformadora.
Partindo desta primeira reflexión, o lema xeral integraba catro conceptos que se consideraron prioritarios: Compromiso, Dereitos, Transformación e Dignidade, incidindo na acción transformadora da educación social nos diferentes contextos socioeducativos e na necesidade da cooperación entre o académico e a práctica da acción socioeducativa e comunitaria.
A celebración do VIII Congreso de Educación Social ‘Educación Social, dignidade e dereitos en tempos de pandemia’ viuse afectada polos escenarios que vivimos nos dous últimos anos, dominados pola pandemia da Covid19. Co esforzo colectivo de todas as organizacións de profesionais da Educación Social do estado español, púidose realizar durante esta primavera pasada, a de 2022, cun formato innovador, híbrido, coral, en nove xornadas, cada unha en diferente lugar da xeografía española, entre os días 31 de marzo e 2 de xuño. Este formato mostrouse como moi esperanzador e posible modelo a replicar en futuros eventos.
Nos números 33 e 34 da revista RES xa se deu saída ás contribucións do congreso. E neste número 35, recóllese o que de ‘palabra’ e de ‘imaxe’ significou este encontro. Facilítánse así os relatorios, os resumos, os vídeos dos actos, etc., que alí se xeraron, ofrecendo a posibilidade de que o colectivo da Educación Social comparta o seu camiñar xuntos nesa reflexión que sempre significa un congreso, desde esta xanela aberta ao mundo que segue sendo RES Revista de Educación Social”.

O próximo número da revista RES, o 36, terá por título ‘Los retos de la Educación Social en los próximos años’ e poderase colaborar enviando artigos ata o 15 de abril de 2023.

Novo número da revista RES. VIII Congreso de Educación Social

Por que colexiarse?

Colexiarse significa participar do esforzo colectivo na loita pola dignificación, recoñecemento e regulación da Educación Social.

logo representativo