Resultado do 9º Concurso TFG.eduso

Resultado do 9º Concurso TFG.eduso

Novos grupos de traballo no Ceesg

Novos grupos de traballo no Ceesg

Novo número da revista RES. VIII Congreso de Educación Social

Novo número da revista RES. VIII Congreso de Educación Social

Os Bolechas visitan o Ceesg

Os Bolechas visitan o Ceesg

Novas do CEESG

ACTUALIDADE

Novas ofertas de emprego

Estas son as ofertas de emprego máis recentes publicadas na web do Ceesg:

  • Educador/a social
  • Mediador/a
  • Coordinador/a de recursos residenciais
  • Auxiliar educativa/o
  • Educador/a social
  • Educador/a social
  • Educador/a social
  • T. de inclusión sociolaboral
  • Educador/a social
  • Responsable de proxecto
  • Animador/a xeriátrico
  • Axente de desenvolvemento social
  • Orientador/a profesional para a inserción
  • T. de inserción

Se estás á procura de emprego, recorda visitar regularmente a nosa web para estar ao tanto de todas as novidades.

Novas ofertas de emprego
Presentación do libro ‘A Educación Social’ dos Bolechas

O vindeiro mércores 18 de xaneiro ás 17:00 horas terá lugar a presentación do libro na sede do Ceesg en Santiago de Compostela.

O libro-guía ‘A Educación Social’ de Os Bolechas é unha ferramenta que visibiliza a profesión, que a explica, que fala da súa importancia e do seu impacto social nunha linguaxe que as nenas e nenos poden comprender.

Unha oportunidade de facerte cun dos exemplares desta edición limitada dos Bolechas que podes reservar na páxina web do Ceesg. (https://www.ceesg.gal/gl/ceesg/materiais-ceesg)

Presentación do libro ‘A Educación Social’ dos Bolechas
Horario de atención do Ceesg o 20/12/22

Hoxe 20 de decembro de 2022, a sede do Ceesg estará pechada en horario de tarde, por motivos organizativos.

Lamentamos as molestias.

Horario de atención do Ceesg o 20/12/22
Achegas ao decreto de creación do Consello de Infancia e Adolescencia

Recentemente, a Xunta de Galicia publicou no seu portal da Transparencia o proxecto de Decreto polo que se crea e regula o Consello Autonómico de Infancia e Adolescencia, abrindo un prazo para o envío de suxestións.

Dende o Ceesg, a través do grupo Escaravellando, enviamos as nosas achegas a esta norma, que ten como finalidade articular a intervención da infancia e adolescencia facilitándolles un espazo para que expresen, propoñan ideas e tomen decisións no ámbito autonómico sobre aquelas cuestións que lles afecten directa ou indirectamente.

Achegas ao decreto de creación do Consello de Infancia e Adolescencia
Próximo número da revista Galeduso: Educación Social e Renda Básica

Comezan os traballos do número 14, centrado en Renda Básica.
A participación no Consello de Redacción está aberta a toda colexiada/o que o desexe.

A Revista Galeduso é un dos principais soportes de comunicación do Colexio, vía de expresión das educadoras e dos educadores sociais, fonte de intercambio científico e profesional, contedor de experiencias e boas prácticas na Educación Social, xerador de propostas reivindicativas de mellora no noso campo profesional e na sociedade no seu conxunto. Dende o ano 2010 ten un carácter monográfico, abordando en profundidade os temas emerxentes na Educación Social, nos seus distintos ámbitos de actuación, dende a óptica da reflexión e investigación-acción, unindo praxe e teoría, como vía de transformación social.

O próximo número da Revista, o 14, será un monográfico sobre Educación Social e Renda Básica.
A Renda Básica pódese definir coma un ingreso regular que permite levar unha vida digna (suficiente) para cada membro da sociedade (universal) polo simple feito de ter nacido (incondicional) e xestionada por cada quen (individual).
En marzo do ano 2019, o Concello da Coruña e o Colexio de Educadoras e Educadores Sociais de Galicia organizamos as xornadas ‘Renda básica: o novo dereito social necesario’, en colaboración co Colectivo pola Renda Básica da Coruña, a Universidade da Coruña e Praza Pública, co obxectivo de abrir o debate público e dar a coñecer á cidadanía esta idea tan necesaria para afrontar un futuro incerto.
Neste novo número da revista Galeduso queremos acoller os relatorios e os enfoques presentados nesas Xornadas, facendo eco desta proposta que ten cada vez maior relevancia no debate público e que pode supoñer modificacións no modelo de intervención dos servizos sociais e na intervención dende a Educación Social.

Se che gustaría participar no Consello de Redacción contacta co Ceesg antes do 31 de decembro (tlf. 981552206 ou ceesg@ceesg.gal).

Próximo número da revista Galeduso: Educación Social e Renda Básica
Horario de atención o Ceesg o 1/12/22

Hoxe 1 de decembro de 2022, a sede do Ceesg estará pechada en horario de tarde, por motivos organizativos.

Lamentamos as molestias.

Horario de atención o Ceesg o 1/12/22
Próximo cobro de cotas colexiais

No mes de xaneiro pasarase o cobro de cotas colexiais (correspondente ao primeiro semestre 2023)

Recordamos que existe a posibilidade de beneficiarse de cotas reducidas (por desemprego, residencia no estranxeiro, salario inferior ao SMI ou situacións análogas)

Quen queira acollerse a este tipo de cotas, debe presentar a documentación pertinente ata o día 24 de decembro, por correo-e a ceesg@ceesg.gal. A confirmación por parte do Ceesg farase no prazo máximo de 15 días dende a recepción, e o cobro ordearase na segunda quincena de xaneiro.

Documentación a presentar:

  • No caso de desemprego, tarxeta de demandante de emprego actualizada.
  • No caso de salario inferior ao mínimo, informe de bases de cotización da Tesourería Xeral da Seguridade Social.
  • Para outras posibles situacións, consultar co Ceesg.

Se no cobro anterior non te beneficiaches de desconto, recorda enviar xunto coa documentación xustificativa a solicitude de cota semestral bonificada

En caso de modificacións de conta bancaria dende o último cobro, pregamos que se notifique o antes posible enviando a ceesg@ceesg.gal o documento de domiciliación bancaria.

Próximo cobro de cotas colexiais
Achegas da Educación Social e a Psicoloxía ao anteproxecto de lei de acceso aos Servizos Sociais

Tras a celebración da Jornada sobre el Anteproyecto de ley de condiciones básicas para la igualdad en el acceso y disfrute en los Servicios Sociales, celebrada en Madrid, o 11 de novembro de 2022, presentamos o documento definitivo resultante deste traballo conxunto do Consejo General de Psicología e do Consejo General de Colegios de Educadoras y Educadores Sociales, no que se recollen as achegas a dito anteproxecto.

Achegas da Educación Social e a Psicoloxía ao anteproxecto de lei de acceso aos Servizos Sociais
25N, Día Internacional contra a Violencia Machista

O Ceesg súmase un ano máis á campaña ‘En negro contra as violencias’, que busca sensibilizar á poboación en contra das violencias machistas e a favor da igualdade tinguindo de loito os nosos espazos.

Só un día do ano é o Día Internacional para a Eliminación da Violencia contra as Mulleres, pero a violencia machista segue todos os días, forma parte do sistema. Destapémola, sinalémola, denunciémola, loitemos contra o machismo. Poñamos permanentemente os lentes violeta, que nos sitúen contra calquera violencia exercida contra as mulleres, como os discursos machistas e revictimizadores e a violencia política que estamos vendo nestes días.

Animámosvos a saír hoxe ás rúas, participando das mobilizacións que están previstas nas cidades e vilas de toda Galicia. Aquí podes ver as convocatorias.

25N, Día Internacional contra a Violencia Machista
Presentación do nº 82 da Revista Galega de Educación

O vindeiro luns, 21 de novembro, terá lugar na facultade de Ciencias da Educación (Campus Vida) da Universidade de Santaigo unha presentación da Revista Galega de Educación nº82, Cultura, terriorio e socioeducación. Neste acto intervirán:

Ana Parada Gañete; Codirectora da RGE
Rocío Núñez Rúa; Vicepresidenta do Ceesg
Lucía Iglesias Da Cunha; Grupo de Investigación SEPAinterea; autora dun artigo do monográfico
Fernando R. Lavandeira Suárez e Iván García García; Grupo de traballo Animación Sociocultural e Xestión Cultural do Ceesg. Coordinadores do monográfico
Xabier Riádigos Couso e Vanessa Otero Dios; Grupo de traballo Animación Sociocultural e Xestión Cultural do Ceesg. Coordinadores da entrevista do monográfico

Data: Luns 21 de novembro de 2022
Hora: 19.00 horas
Lugar: Salón de actos. Facultade de Ciencias da Educación (Campus Vida). Universidade de Santiago.

Presentación do nº 82 da Revista Galega de Educación
Expertas en educación apoian a iniciativa ‘Por unha escola segura’

Esta tarde presentouse en Santiago de Compostela e Ourense a iniciativa ‘Por unha escola segura’, a través da cal 38 persoas expertas en Educación asinan un posicionamento no que sinalan a necesidade de que nas escolas se preste unha atención á infancia centrada no seu benestar integral.
Segundo investigacións recentes, o actual sistema educativo adoece da falta de atención aos factores sociais das nenas e nenos, que son a causa principal da exclusión escolar. Para atallar esta situación, sinalan que é necesario un cambio de modelo educativo que contemple estratexias eficaces de prevención.
As persoas asinantes desta iniciativa son persoal experto en educación, con liñas de investigación activas sobre o sistema educativo e sobre a intervención socioeducativa.
No acto de presentación participaron representantes do Colexio de Educadoras e Educadores Sociais de Galicia, da Universidade da Coruña, Universidade de Vigo e Universidade de Santiago.
Poden verse imaxes do acto nas redes sociais do Ceesg.

Expertas en educación apoian a iniciativa ‘Por unha escola segura’
Xornadas de xestión cultural: Dalle xeito

O alumnado de Educación Social da Universidade de Santiago organiza as Xornadas de experiencias culturais Dalle Xeito, nas que se pretende dar a coñecer experiencias prácticas de proxectos de participación e sociocultura; favorecer o coñecemento de ferramentas e metodoloxías para a acción educativa no ámbito da sociocultura; poñer en valor a cultura propia como elemento identitario, e promover a reflexión sobre o perfil profesional do/a Educador/a Social no quefacer cultural. Contan, entre outras, coa colaboración do Ceesg.

As xornadas desenvolveranse os días 21, 23 e 28 de novembro.
O luns 21 comeza a actividade na Facultade de Ciencias da Educación (Campus Vida) coa presentación do nº 82 da Revista Galega de Educación, o monográfico que leva por título ‘Cultura, territorio e socioeducación’ e que foi coordinado por integrantes do grupo de traballo sobre Animación Sociocultural e Xestión Cultural do Ceesg. Intervirán no acto, ademais de varios compoñentes do citado grupo, a autora dun dos artigos publicados na revista e a vicepresidenta do Ceesg.
Continúa o mércores día 23 na Facultade de Psicoloxía (aula 7 (XV Viqueira, módulo B), con mesas redondas nas que se presentarán diferentes experiencias culturais vinculadas á socioeducación, e que poñen o foco na música como ferramenta socioeducativa e intercultural e na participación cidadá dende fóra do sistema.
Para finalizar, o luns 28 de novembro, na contorna do Museo do Pobo Galego, poñerase de relevo a cultura popular e tradicional como elemento chave para a formación da identidade, contando para este peche con pasarrúas de música e baile, artesanía, xogos populares, tradición oral…

A participación nas xornadas é de balde con inscrición previa.

Ir ao formulario de inscricións

Twitter das Xornadas

Instagram das Xornadas

Xornadas de xestión cultural: Dalle xeito
Educación Social para unha escola segura

Este xoves 17 de novembro celebraremos un acto no que se fará público o apoio de expertas/os en Educación á incorporación de profesionais da Educación Social na escola, como unha vía idónea para a atención ao factor social do alumnado, onde está a etioloxía da exclusión escolar. No acto explicaranse as liñas argumentais máis importantes que sosteñen esta postura que aposta por un cambio de modelo escolar.

Será un único acto que terá lugar simultaneamente nas tres Facultades de Educación das Universidades galegas, con intervencións dende cada lugar e establecendo conexión por videoconferencia. Trátase dun acto aberto ao que se poderá asistir presencialmente en Santiago e Ourense, e que tamén se poderá seguir a través de videoconferencia dende calquera lugar.

Horario: de 16:30 a 17:30 h.

Lugar:

  • OURENSE: Salón de graos da Facultade de Educación e Traballo Social da Universidade de Vigo (Campus de Ourense)
  • SANTIAGO: Aula 15, módulo A, da Facultade de Ciencias da Educación da Universidade de Santiago de Compostela (Campus Vida).
  • EN LIÑA: A través de zoom
    https://us06web.zoom.us/j/85802212854?pwd=Z1hhTU82eDFSMm9yQ3Fpekt4Z29iZz09

    ID de reunión: 858 0221 2854
    Código de acceso: 143055

Educación Social para unha escola segura
Listas de peritaxe xudicial 2023

Cada ano, o Colexio de Educadoras e Educadores Sociais de Galicia (Ceesg) elabora unha listaxe de profesionais dispostas/os a actuar como peritas/os.

A actividade pericial consiste na valoración obxectiva por parte de persoal experto dunha determinada situación ou feito, que pode ser influínte para a decisión xudicial, e pode ser empregado como proba nun xuízo. Este proceso está regulado pola Lei 1/2000, de 7 de xaneiro, de Axuizamento Civil.

As persoas que actúan como peritas/os prestan este servizo por conta propia (non hai contratación laboral co xulgado). Aínda que a formación e experiencia non son requisito para integrarse nesta lista, dende o Ceesg recomendamos ter formación específica na materia e experiencia como educador/a social, pois é fundamental coñecer como funcionan os procedementos xudiciais, as designacións, situacións de incompatibilidade, ter práctica na redacción de informes, etc.

Quen queira solicitar a súa inclusión nas listas de peritaxe, pode facelo cubrindo e enviando ao Ceesg a solicitude a servizos.colexiais@ceesg.gal.

PRAZO ata o 11 de decembro de 2022 (incluído)

Os datos que se faciliten enviaranse a Xulgados e Tribunais, ou facilitaranse ás entidades/persoas que poidan ter interese en contar cos servizos profesionais dunha/dun perita/o de parte.

Listas de peritaxe xudicial 2023
Xornada sobre o anteproxecto de lei de Servizos Sociais

Este venres 11 de novembro celébrase a “Jornada sobre el anteproyecto de ley de condiciones básicas para la igualdad en el acceso y disfrute de los Servicios Sociales” organizada conxuntamente entre o Consejo General de Colegios de Educadoras y Educadores Sociales y el Consejo Oficial de la Psicología.

Para a preparación da xornada creouse unha Comisión de Traballo na que participou a presidenta do Ceesg xunto a outras compañeiras e compañeiros doutros colexios membros do CGCEES e do Consejo Oficial de la Psicología, que formarán parte do programa.

As xornadas serán en Madrid e retransmitiranse vía streaming, a través do enlace que se facilitará ás persoas interesadas.

Esta xornada é dirixida exclusivamente a persoas colexiadas. O número de prazas é limitado e darase preferencia a aquelas educadoras/es sociais que teñan vinculación co ámbito dos servizos sociais.

Este é un acto de carácter exclusivamente interno, polo que pregamos que non se difunda nin o programa, nin o enlace de conexión.

Ver programa

Ir ao formulario de inscricións (ata o 8/11 ás 8:00) INSCRICIÓNS PECHADAS

Xornada sobre o anteproxecto de lei de Servizos Sociais
Video do XXI Simposio da Red Renta Básica

Os pasados 28 e 29 de outubro, estivemos no Paraninfo da Universidade da Coruña, como parte da organización do XXI Simposio da Red Renta Básica.

Os colectivos de Renda Básica de Galicia traballan a favor da Renda Básica como unha idea de transformación e xustiza social. Están presentes en varias localidades do país, A Coruña, Betanzos e Santiago de Compostela, e teñen un obxectivo común: difundir e xerar debate público sobre a Renda Básica para a súa implementación o antes posible. E con esta mesma motivación organizouse este Simposio no que o Colexio tamén tivo representación no programa.

Precisamente, queremos destacar a mesa das profesións, na que participou a presidenta do Ceesg xunto a representantes do Colexio Oficial de Traballo Social de Galicia, do Colexio Oficial de Psicoloxía de Galicia e do Concello da Coruña. Unha vez pasado o evento, pode verse o Simposio completo a través da súa canle de Youtube:

Enlace á sesión do venres.

Enlace á sesión do sábado (a mesa de profesións é a primeira desta sesión)

Video do XXI Simposio da Red Renta Básica
Novas ofertas de emprego

Estas son as ofertas de emprego máis recentes publicadas na web do Ceesg:

  • Coordinador/a de servizos sociais
  • Educador/a social
  • T. reforzo escolar e actividades de tempo libre
  • T. de intervención familiar
  • Orientador/a de piso de transición a vida independente
  • Prospector/a laboral
  • Corpos de profesorado, proceso de estabilización
  • T. de xestión cultural

Se estás á procura de emprego, recorda visitar regularmente a nosa web para estar ao tanto de todas as novidades.

Novas ofertas de emprego
Enquisa sobre actividades formativas do Ceesg

Queda pouco para rematar 2022, e toca avaliar o ano que remata para preparar o ano que entra.

No referente ás formacións, cursos e obradoiros que o Ceesg pon a disposición das súas colexiadas e colexiados é moi importante para nós coñecer o grao de satisfacción das/os participantes así como a opinión, suxestións e propostas de cara a configurar unha oferta formativa atractiva, de calidade e, sobre todo, útil de cara ao 2023.
Dende o Ceesg queremos poñer o foco en dous eixos. Por un lado a adquisición de novas ferramentas de traballo que actualicen e perfeccionen as habilidades na práctica laboral diaria e por outro abrir novas portas no mercado laboral para as educadoras e educadores sociais en procura de emprego.
Para enfocar do xeito máis acertado a planificación formativa cara o ano 2023, pregámosche que nos axudes enviando a túa opinión no seguinte cuestionario. Só che levará un momento e para nós resulta información moi valiosa.

Ir ao formulario.

Grazas por axudarnos a mellorar, entre todas e todos facemos da Educación Social unha profesión máis forte e visible.

Enquisa sobre actividades formativas do Ceesg
Presentación do libro ‘La mirada horizontal’

Moi pronto teremos ocasión de escoitar a David Vázquez, educador social, psicopedagogo e dinamizador sociocultural, presentando o seu libro ‘La mirada horizontal. Historias sin hogar de un educador social’.

O Ceesg, a Universidade de Santiago, o grupo SEPA da USC, e a Universidade da Coruña, organizamos sendas presentacións en Santiago e A Coruña, que terán lugar os días 30 de novembro e 1 de decembro respectivamente.

David Vázquez, co seu libro La mirada horizontal, invítanos á reflexión e ao diálogo facendo falar á experiencia a través de relatos e historias de educación social vividas en primeira persoa en diferentes ámbitos de intervención e cun mesmo denominador común: a exclusión. Comparte dúbidas, dilemas, acertos e fracasos en situacións profesionalmente emocionantes que só pasan traballando neste sector. Unhas inquedanzas, en definitiva, que responden á necesidade vital de escribir e de dar visibilidade á profesión de educar e ao desexo de transformar.

Lugares e datas das presentacións:

  • SANTIAGO: Mércores 30 de novembro ás 11:30 no salón de actos da Facultade de Ciencias da Educación da Universidade de Santiago (Campus Vida)
  • A CORUÑA: Xoves 1 de decembro ás 11:30 h. no salón de graos da Facultade de Ciencias da Educación da Universidade da Coruña (Campus de Elviña)
Presentación do libro ‘La mirada horizontal’
Hoxe comeza o XXI Seminario da Red Renta Básica

Hoxe e mañá, 28 e 29 de outubro, estaremos no Paraninfo da Universidade da Coruña, como parte da organización do XXI Simposio da Red Renta Básica.

Os colectivos de Renda Básica de Galicia traballan a favor da Renda Básica como unha idea de transformación e xustiza social. Están presentes en varias localidades do país, A Coruña, Betanzos e Santiago de Compostela, e teñen un obxectivo común: difundir e xerar debate público sobre a Renda Básica para a súa implementación o antes posible. E esta mesma motivación é a que persigue o seu Simposio.

Aínda que a inscrición para a asistencia presencial está pechada, podes seguir o desenvolvemento das diferentes ponencias en streaming a través de youtube.

Ver programa do XXI Simposio da Red Renta Básica

Ir á sala de youtube para ver en directo

Hoxe comeza o XXI Seminario da Red Renta Básica

Por que colexiarse?

Colexiarse significa participar do esforzo colectivo na loita pola dignificación, recoñecemento e regulación da Educación Social.

logo representativo